გაცვლითი პროგრამა ჯიუ-ს აკადემიური პერსონალისთვის გერმანიის ეიხშტაატ-ინგოლშტატის კათოლიკურ უნივერსიტეტში!

კონკურსი ERASMUS+ გაცვლით პროგრამაში მონაწილეობის მსურველი აკადემიური პერსონალისთვის

საქართველოს საერთაშორისო უნვერსიტეტი ჯიუ გერმანიის ეიხშტაატ-ინგოლშტატის კათოლიკურ უნივერსიტეტთან არსებული “ERASMUS+”-ის გაცვლითი პროგრამის ფარგლებში უნივერსიტეტის სამართლისა და პოლიტიკის სკოლის და ასევე ბიზნესის, სოციალურ და ჰუმანიტარულ მეცნიერებათა სკოლის აკადემიური პერსონალის შესარჩევად აცხადებს კონკურსს.

კონკურსი ჩატარდება რამდენიმე ეტაპად:

I ეტაპი – კონკურსანტთა მიერ წარმოდგენილი დოკუმენტაციის გადარჩევა;

II ეტაპი – ტესტირება/გასაუბრება ინგლისურ ენაში;

III ეტაპი – პრეზენტაცია.

კონკურსში მონაწილეობის მსურველებმა უნდა წარმოადგინონ შემდეგი საბუთები:

განცხადება გაცვლით პროგრამაში მონაწილეობის თაობაზე;

დიპლომების ასლები;

სამოტივაციო წერილი (ქართულ და ინგლისურ ენებზე);

ინგლისური ენის B2 დონეზე ცოდნის დამადასტურებელი დოკუმენტი. მათ შორის, ინგლისურენოვანი საგანმანათლებლო პროგრამის დიპლომი (ასეთის არსებობის შემთხვევაში);

CV (ქართულ და ინგლისურ ენებზე);

შესაბამისი ცნობა უნივერსიტეტიდან;

1 ან 2 სარეკომენდაციო წერილი (აკადემიური პერსონალის შემთხვევაში სარეკომენდაციო წერილი გაიცემა საქართველოს საერთაშორისო უნივერსიტეტ ჯიუ-ს შესაბამისი სკოლის დეკანის, პროგრამის ხელმძღვანელის ან/და სხვა ისეთი აკადემიური პერსონალის მიერ, რომელიც იცნობს პირის სამეცნიერო/პედაგოგიურ მოღვაწეობას);

გაცვლითი პროგრამისათვის აუცილებელი სხვა უნარებისა და მიღწევების დამადასტურებელი დოკუმენტები არსებობის შემთხვევაში (კონფერენციებში, ტრენინგებში, მასტერკლასებსა და სხვა კონკრეტულ აქტივობებში მონაწილეობისა და გამარჯვების დამადასტურებელი დოკუმენტები).

კონკურსანტთა მიერ დოკუმენტაციის წარმოდგენის ბოლო ვადა: 18.07.2024 წელი. #ჯიუ #გისურვებთწარმატებებს!