GIU-ში ღვინის დეგუსტაციის მასტერკლასი ჩატარდა

1 დეკემბერს GIU-ს ტურიზმის საბაკალავრო პროგრამის სტუდენტებისთვის, ,,ღვინის ტურიზმის” კურსის ფარგლებში, ღვინის დეგუსტაციის მასტერკლასი ჩატარდა.

შეხვედრას უძღვებოდა ციცი ცაცკრიალაშვილი, ჯიუ-ს მოწვეული ლექტორი.

ღონისძიების სტუმრები იყვნენ დარგის ექსპერტები:

• გიორგი ნათენაძე – „ნათენაძის ღვინოები“;
• ზაზა ბოსტოღანაშვილი – „მეღვინეობა ბოსტოღანა“;
• ია იმერლიშვილი – „იას მეღვინეობა“;
• გიგი ახვლედიანი – „მარანი სევსამორა“;
• გიორგი კახოიძე- სერტიფიცირებული სომელიე, ბრენდ ამბასადორი.

სტუდენტებს მიეცათ უნიკალური შესაძლებლობა, პირადად შეხვედროდნენ ღვინის ბიზნესის წარმომადგენლებს, სომელიეს და მოესმინათ მათი მოსაზრებები ისეთ თემებზე, როგორიცაა:

• ღვინის ტურიზმის განვითარების ტენდენციები;
• სფეროში არსებული გამოწვევები და ახალი შესაძლებლობები;
• პრაქტიკული რეკომენდაციები, თუ როგორ შეიძლება ახალგაზრდებმა დაიმკვიდრონ ადგილი ღვინის ტურიზმის ინდუსტრიაში.

მასტერკლასის ფარგლებში ჩატარდა სომელიეს პრაქტიკული სესია – სწორად წარდგენა, შეფასების ტექნიკა და პროფესიული ეტიკეტი.

ღონისძიების ბოლოს კომპანიების წარმომადგენლებმა სტუდენტებს საჩუქრად გადასცეს საკუთარი წარმოების ღვინოები, რამაც კიდევ უფრო გამორჩეული ელფერი მისცა მასტერკლასს.