საქართველოს საერთაშორისო უნივერსიტეტმა (GIU) 2025 წლის 20 ივნისს წარმატებით უმასპინძლა უკვე ტრადიციად ქცეულ საერთაშორისო სამეცნიერო კონფერენციას, რომელმაცსხვადასხვა ქვეყნის წამყვანი პროფესორები, მკვლევარები და ექსპერტები გააერთიანა. წლევანდელი კონფერენცია აქტუალური გლობალური მოვლენის – ხელოვნური ინტელექტის ირგვლივ მულტი-სექტორული დისკუსიის შესანიშნავ პლატფორმად იქცა.
კონფერენცია ოფიციალურად გახსნა GIU-ის რექტორმა, პროფესორმა ელისო ელისაშვილმა , ხოლო Keynote Speaker-ების პანელზე წარსდგნენ გამორჩეული საერთაშორისო ექსპერტები:
- დოც. სეზაი ჩაგლაიანი (OMU, თურქეთი / ლესტერის უნივერსიტეტი, დიდი ბრიტანეთი) ტექნოლოგიური სამართლის აქტუალურობებზე;
- პროფ. დოქტ. შარად კუმარი (UNICAF, Metaculty, ინდოეთი) – ინოვაციების ეთიკისა დაკორპორაციული მდგრადობის საკითხებზე;
- დოქტ. ზვიად გაბისონია – GIU-ს სტრატეგიული პარტნიორი, რომელიც უსაიდ-ის ექსპერტიახელოვნური ინტელექტის სამართალსა და პოლიტიკაში.
თემატური სექციები წარიმართა შემდეგი მიმართულებებით:
სამართალი, პოლიტიკა, სოციალური მეცნიერებები და ხელოვნური ინტელექტი (I სექცია)
მოდერატორი: ასოც. პროფესორი გრიგოლ კალანდაძე
მონაწილეებმა იმსჯელეს ისეთ თემებზე, როგორიცაა:
- საერთაშორისო სამართლის ფრაგმენტაცია კლიმატის ცვლილებისა და AI-ის ჭრილში(აკაკი ბერიძე),
- AI-ის ეთიკური და სამართლებრივი ზეგავლენები კრიმინალურ პროცესებში (თათია დოლიძე),
- სინგულარობისა და ჰუმანიზაციის დილემები (პროფ. ნინო ბოჭორიშვილი),
- რუსეთის ჩარევის ანალიზი 2024 წლის მოლდოვისა და რუმინეთის არჩევნებში (გრიგოლ კალანდაძე).
II სექცია: ბიზნესი, მენეჯმენტი და ტექნოლოგიები
მოდერატორი: პროფესორი ნათია ჟოჟუაშვილი
აღნიშნული სესია დაეთმო შემდეგ მოხსენებებს:
- ხელოვნური ინტელექტი და ფსიქიკური ჯანმრთელობა: ინოვაციები, ეთიკა და ადამიანზეორიენტირებული მზრუნველობა (ბაია კუბლაშვილი; თამარ მაღლაკელიძე)
- AI-ის ზეგავლენა მენტალურ ჯანმრთელობაზე და ემოციური კეთილდღეობა (ლელა ყურაშვილი, ლანა სულხანიშვილი),
- სტრატეგიული მენეჯმენტის ტრანსფორმაცია ციფრულ ეპოქაში (ნონა კუხიანიძე, ანზორი ბაბუნაშვილი).
- ინოვაციის ეთიკური კომპასი: კეთილსინდისიერების კულტურის შექმნა ეთიკური ლიდერობის მეშვეობით (გვანცა გელიაშვილი)
