17 ოქტომბერს, ზუგდიდში გამართულ რეგიონულ შეხვედრაზე, GIU-ს ვიცე-რექტორმა სელინა ლიმ დამსწრე საზოგადოებას მიაწოდა ინფორმაცია საქართველოს საერთაშორისო უნივერსიტეტის, მისი საერთაშორისო საგანმანათლებლო პროგრამებისა და შესაძლებლობების შესახებ.
შეხვედრის მონაწილეებს შესაძლებლობა ჰქონდათ, უფრო დეტალურად გაცნობოდნენ GIU-ში არსებულ საგანმანათლებლო პროგრამებს, საერთაშორისო მიმართულებებსა და იმ შესაძლებლობებს, რომლებსაც უნივერსიტეტი სტუდენტებს სწავლისა და პროფესიული განვითარების გზაზე სთავაზობს.
ღონისძიება ლინგოსთარის ორგანიზებით გაიმართა. შეხვედრის მთავარი თემა იყო „ნიკო ნიკოლაძე – განათლება და მოქალაქეობრივი პასუხისმგებლობა“. მოწვეულმა სპიკერმა, თეატრმცოდნემ და ტელეწამყვანმა ნიკოლოზ წულუკიძემ განათლების, მოქალაქეობრივი პასუხისმგებლობისა და საზოგადოებრივი განვითარების მნიშვნელობაზე ისაუბრა.
GIU-სთვის მნიშვნელოვანია ისეთი საგანმანათლებლო ინიციატივების მხარდაჭერა, რომლებიც ცოდნის გაზიარებას, ახალი შესაძლებლობების გაცნობასა და განათლების სფეროში თანამშრომლობის გაძლიერებას ემსახურება.