ჯიუ აცხადებს ვაკანსიას ხარისხის უზრუნველყოფის სამსახურის მენეჯერის პოზიციაზე

საქართველოს საერთაშორისო  უნივერსიტეტი ჯიუ   აცხადებს ვაკანსიას  ხარისხის უზრუნველყოფის სამსახურის მენეჯერის  პოზიციაზე.

სამუშაო ადგილი: ქ. თბილისი

ხარისხის უზრუნველყოფის მენეჯერის ძირითადი ფუნქციები და მოვალეობები:

• ხარისხის უზრუნველყოფის შიდა და გარე მექანიზმების შემუშავების, დანერგვის, განხორციელებისა და მათი ეფექტიანობის შეფასების ხელშეწყობა;
• ხარისხის უზრუნველყოფის სამსახურის ყოველდღიური საქმიანობის ადმინისტრაციული და ტექნიკური მხარდაჭერა;
• სწავლა-სწავლების, სამეცნიერო-კვლევითი საქმიანობისა და აკადემიური პერსონალის პროფესიული განვითარების ხარისხის უზრუნველყოფის პროცესებში მონაწილეობა;
• საგანმანათლებლო პროგრამების შემუშავების, განვითარების, მოდიფიცირებისა და პერიოდული შეფასების პროცესში მონაწილეობა;
• საგანმანათლებლო პროგრამების ყოველწლიური შეფასების პროცესის ორგანიზაციული და ტექნიკური მხარდაჭერა;
• სასწავლო პროცესის მიმდინარეობის პერიოდული მონიტორინგი;
• სტუდენტების, კურსდამთავრებულების, აკადემიური და მოწვეული პერსონალის, დამსაქმებლებისა და სხვა დაინტერესებული მხარეების გამოკითხვების დაგეგმვა და ორგანიზება;
• ავტორიზაციისა და აკრედიტაციის პროცესების დაგეგმვასა და განხორციელებაში მონაწილეობა;
• ხარისხის უზრუნველყოფის სამსახურის წლიური სამოქმედო გეგმისა და წლიური ანგარიშის მომზადებაში მონაწილეობა;
• ხარისხის უზრუნველყოფის საკითხებზე სტრუქტურულ ერთეულებთან კოორდინაცია და შესაბამისი ინფორმაციის დროული გაცვლა;
• ხარისხის უზრუნველყოფის სამსახურის ფარგლებში დაგეგმილი შეხვედრების ორგანიზება;
• უშუალო ხელმძღვანელის მიერ, კომპეტენციის ფარგლებში, განსაზღვრული სხვა მიმდინარე დავალებების შესრულება.

საკვალიფიკაციო მოთხოვნები

• არანაკლებ ბაკალავრის აკადემიური ხარისხი;
• უმაღლეს საგანმანათლებლო დაწესებულებაში ადმინისტრაციულ ან ხარისხის უზრუნველყოფასთან დაკავშირებულ პოზიციაზე მუშაობის არანაკლებ 1-წლიანი გამოცდილება;
• საქართველოს უმაღლესი განათლების სფეროს მარეგულირებელი მოთხოვნების, ავტორიზაციისა და აკრედიტაციის პროცესების ცოდნა;
• საგანმანათლებლო დოკუმენტაციის დამუშავებისა და ტექნიკური გადამოწმების უნარი;
• რაოდენობრივი და ხარისხობრივი მონაცემების დამუშავების, ანალიზისა და შეფასების უნარი;
• ინგლისური ენის ცოდნა არანაკლებ B2 დონეზე;
• საოფისე პროგრამების – Microsoft Word, Excel, PowerPoint კარგი ცოდნა;

პიროვნული უნარ-ჩვევები

• მაღალი პასუხისმგებლობის გრძნობა;
• დროის ეფექტურად მართვის უნარი;
• დეტალებზე ორიენტირებულობა და სიზუსტე;
• ანალიტიკური აზროვნება და პრობლემის გადაჭრის უნარი;
• ეფექტური წერილობითი და ზეპირი კომუნიკაციის უნარი;
• გუნდური მუშაობისა და სტრუქტურულ ერთეულებთან კოორდინაციის უნარი;
• პუნქტუალურობა და კონფიდენციალური ინფორმაციის დაცვის პასუხისმგებლობა.

სამუშაო პირობები

• სამუშაო გრაფიკი: სრული განაკვეთი;
• გამოსაცდელი ვადა: 3 თვე;
• ანაზღაურება: შეთანხმების საფუძველზე.

 

დაინტერესებულმა პირებმა, გთხოვთ გამოაგზავნოთ თქვენი რეზიუმე (CV) ელექტრონულ მისამართზე;  hr@giu.edu.ge

წერილის სათაურის ველში აუცილებლად მიუთითეთ: „ხარისხის უზრუნველყოფის სამსახურის მენეჯერი“.

წინააღმდეგ შემთხვევაში ვერ მოხდება თქვენი რეზიუმეს განხილვა.