კვლევითი პროექტები
კლუბის წევრები გუნდებად მუშაობენ საკუთარ კვლევით პროექტებზე, აკადემიური პერსონალის ხელმძღვანელობით. ისინი სწავლობენ, როგორ ჩამოაყალიბონ კვლევითი კითხვა, შეაგროვონ და გააანალიზონ მონაცემები და გამოიტანონ დასაბუთებული დასკვნები.

სამეცნიერო წერა და მეთოდოლოგია
ვორქშოპებზე სტუდენტები ეუფლებიან კვლევის მეთოდებს, სამეცნიერო ლიტერატურის მოძიებასა და ანალიზს, აკადემიური ტექსტის წერასა და წყაროების სწორად მითითებას. ეს უნარები საჭიროა როგორც საბაკალავრო ნაშრომისთვის, ისე სწავლის შემდეგ საფეხურზე.

კონფერენციები და პრეზენტაციები
კლუბის წევრები საკუთარ ნაშრომებს წარადგენენ სტუდენტურ სამეცნიერო კონფერენციებზე, უნივერსიტეტშიც და მის ფარგლებს გარეთაც. ასე იძენენ საჯარო გამოსვლისა და სამეცნიერო დისკუსიის გამოცდილებას.

შეხვედრები მკვლევრებთან
კლუბი მასპინძლობს მეცნიერებს და მკვლევრებს. ისინი სტუდენტებს უზიარებენ საკუთარ კვლევით გამოცდილებას და უყვებიან, როგორ მუშაობს თანამედროვე მეცნიერება.

Youth LAB-ში გაწევრიანება ნიშნავს:

• კვლევითი და ანალიტიკური უნარების განვითარებას;
• სამეცნიერო წერისა და პრეზენტაციის გამოცდილების მიღებას;
• აკადემიურ პერსონალთან ერთად მუშაობას;
• თანამოაზრე, ცნობისმოყვარე სტუდენტების გაცნობას;
• და რაც მთავარია, მყარ საფუძველს მაგისტრატურისა და სამეცნიერო კარიერისთვის.