საქართველოს ბანკის სტიპენდია
საქართველოს ბანკის სტიპენდია GIU-ს სტუდენტებისთვის
მიიღე საქართველოს ბანკის სტიპენდია და ისწავლე სრული ან ნაწილობრივი დაფინანსებით GIU-ში!
საქართველოს ბანკი ქმნის განათლების შესაძლებლობებს და მოტივირებულ, ლიდერული თვისებების მქონე ახალგაზრდებს ფინანსურ მხარდაჭერას სთავაზობს. სწორედ ამ მხარდაჭერის ფარგლებში GIU-ს სტუდენტებს და აბიტურიენტებს, რომლებიც ჩაირიცხებიან საქართველოს საერთაშორისო უნივერსიტეტ ჯიუ-ში, შესაძლებლობა აქვთ ჩაერთონ საქართველოს ბანკის სასტიპენდიო პროგრამაში და მიიღონ სწავლის სრული (ან ნაწილობრივი) დაფინანსება 1 წლის განმავლობაში.
სასტიპენდიო პროგრამა ითვალისწინებს ერთწლიან დაფინანსებას საქართველოს საერთაშორისო უნივერსიტეტის შემდეგი მიმართულების სტუდენტებისთვის:
- სამართალი
- ბიზნესის ადმინისტრირება
- ფსიქოლოგია
- ჟურნალისტიკა
- ტურიზმი
- სინოლოგია
როგორ ჩავერთოთ საქართველოს ბანკის სასტიპენდიო პროგრამაში?
- აპლიკანტს უნდა ჰქონდეს აქტიური სტუდენტის სტატუსი
- აპლიკანტი უნდა სწავლობდეს საბაკალავრო საფეხურზე
- პირველკურსელ აპლიკანტს ერთიან ეროვნულ გამოცდებზე უნდა ჰქონდეს მაღალი სკალირებული ქულა
- მე-2, მე-3 კურსის სტუდენტების შერჩევის ერთ-ერთი მნიშვნელოვანი კრიტერიუმია GPA (არანაკლებ 3.2)
- აპლიკანტი უნდა იყოს საქართველოს მოქალაქე
სტუდენტების შერჩევის შემდეგ გაიმართება გასაუბრება უნივერსიტეტისა და საქართველოს ბანკის წარმომადგენლებთან.
დაინტერესებულ აპლიკანტებს რეგისტრაციის გავლა შეუძლიათ 30 ნოემბრამდე საქართველოს ბანკის ვებგვერდზე: http://stipendia.bog.ge/
გახდი საქართველოს ბანკის სტიპენდიატი და შექმენი შენი ქვეყნის მომავალი.