თვითმმართველობა

სტუდენტური თვითმმართველობა

საქართველოს საერთაშორისო უნივერსიტეტ ჯიუს (ყოფილი სახელწოდება: გურამ თავართქილაძის სახელობის თბილისის სასწავლო უნივერსიტეტის) სტუდენტური თვითმმართველობა არის უნივერსიტეტის შემადგენლობაში არსებული სტუდენტთა დამოუკიდებელი, წარმომადგენლობითი ორგანო, რომელიც თავის უფლებამოსილებას ახორციელებს „უმაღლესი განათლების შესახებ საქართველოს კანონის“ უნივერსიტეტის წესდებისა და წინამდებარე დებულების ფარგლებში, როგორც უნივერსიტეტის შიგნით ასევე მის გარეთ. 

სტუდენტური თვითმმართველობის მიზნებია:

• საკუთარი უფლებამოსილების ფარგლებში დაიცვას და წარმოადგნოს სტუდენტების უფლებები და კანონიერი ინტერესები, როგორც უნივერსიტეტის ფარგლებში ასევე მის გარეთ.
• ხელი შეუწყოს სტუდენტებს თვითრეალიზებაში.
• სწავლის პერიოდში დაეხმაროს სტუდენტებს პროფესიული უნარ-ჩვევების ჩამოყალიბებაში და კონკურენტუნარიან პროფესიონალებად ჩამოყალიბებაში.
• ხელი შეუწყოს სტუდენტებში სამართლებრივი თვითშეგნების დონისა და კანონის პატივისცემის ამაღლებას.

სტუდენტური თვითმმართველობა უფლებამოსილია:

მოაწყოს სხვადასხვა სახის შეხვედრები, ტრეინინგები, ინტელექტუალური თამაშები, ლიტერატურული, სპორტული, კულტურული, გასართობი და შემეცნებითი ღონისძიებები. გარდა საუნივერსიტეტო, სამთავრობო/არასამთავრობო, სახელმწიფო და საერთაშორისო ორგანიზაციებისა, სტუდენტურ თვითმმართველობას შეუძლია დაამყაროს კავშირი  საქართველოს და უცხოეთის უმაღლესი სასწავლებლების სტუდენტურ/ახალგაზრდულ ორგანიზაციებთან და საერთაშორისო სტუდენტურ გაერთიანებებთან;