ტრენინგის მიზანი იყო სპიკერს მონაწილეებისთვის გაეზიარებინა თანამედროვე შესაძლებლობები სამეცნიერო ინფორმაციის ძიებისა და გამოყენების მიმართულებით, რაც განსაკუთრებით მნიშვნელოვანია უნივერსიტეტში მიმდინარე კვლევითი და სასწავლო პროცესებისთვის.
შეხვედრაზე განხილული თემები მოიცავდა:
– ელექტრონული სამეცნიერო მონაცემთა ბაზებზე წვდომისა და მათი ეფექტურად გამოყენების პრაქტიკულ გზებს;
– სამეცნიერო სტატიების გამოქვეყნების შესაძლებლობებს ღია ან ჰიბრიდული წვდომის ჟურნალებში.
ტრენინგს ესწრებოდნენ ჯიუ-ს სხვადასხვა პროგრამის სტუდენტები და ლექტორები, რომლებიც აქტიურად ჩაერთნენ დისკუსიაში და მიიღეს პრაქტიკული ცოდნა, რომელიც დაეხმარებათ კვლევითი ნაშრომების მომზადებასა და საერთაშორისო სამეცნიერო სივრცეში ინტეგრაციაში.
ტრენერი: მარიკა ჟორჟოლიანი – საქართველოს ბიბლიოთეკების ინტეგრირებული საინფორმაციო ქსელის კონსორციუმის ლიცენზირების კოორდინატორი.